Wasmashin di ántes

Chila a konta nos di e wasmashin di ántes. “Mi mama tabata laba i strika paña pa e pasaheronan di e kruseronan venezolano. E mes tabata venezolana. El a bin Kòrsou na un edat yòn i a namorá di mi tata, un hòmber lokal. Mi mama tabata usa un washi i hèmber pa laba paña. Tabata un trabou duru: mi mama tabata usa bara di habon blou, trose e pañanan i hawanan dos biaha. Ami, mi rumannan hòmber i muhé tabatin ku laba nos pañanan di abou nos mes! Nos a usa e washi te ora ku wasmashin a bira mas barata, den añanan 60.” E washi aki ta mas ku 100 aña bieu. Generalmente nan ta trahá di glas òf zim.

“Mi mama tabata laba paña pa e pasaheronan di e kruseronan venezolano.”