Zag

“Mi tata a kumpra e zag aki dia ela kuminsá studia pa karpinté na MULO. Despues el a bai skol di kompania di Shell. Mi tata i su amigunan tabata usa e zag durante pousanan di skol komo un instrumento musikal. Nan tabata usa un zag mas grandi tambe.”

“Dia mi tabata duda tokante kon toka e zag mi tata a bisami pa bai bishitá un di su kompañeronan di skol di antes. El a mustrami kon pa toka e zag meskos ku mi tata. Awendia mi tin tres tamaño di zag. Mas grandi e zag, mas tono bo por toka kun’é. Mi ta usanan den tur mi shownan, asta na e festival di jazz ku mi a organisá. Awendia zagnan ta mas kòrtiku i skèrpi, bo no ta mira esakinan hopi mas.”

“El a mustrami kon pa toka e zag.”