Un holoshi di boto di palu, cu cuerde a mira Aruba bira un di e exportadornan mas grandi di koffie den mundo for di e murayanan di e cambernan di e doño di un bapor di transporte den añanan 60 y 70. Clyde Harms, un negociante pensionado, ta conta nos historianan cu e holoshi ta pone corda. E tempu ey, Clyde tawata manager di un deposito na Miami, caminda tawata importa e koffie. Curioso pa mira e bida na bordo, ela bishita e barco unda ela encontra e holoshi aki na muraya. Ela enamora di e holoshi y a keda cune hasta despues cu a bende e bapor. Danki na e relacion estrecho cu e pueblo Wayuu di e departamento Guajira, Aruba a bira un di e exportadornan mas grandi di koffie maske nunca un pipita di e producto a ser cultiva. E tempo ey, Colombia tawata permiti exportacion di koffie solamente bou di e paraplu di e Asociacion di Koffie Colombiano. Pasombra e productonan aki tin un gasto di duana halto, cultivadornan di koffie tawata hasi negoshi cu e hefenan Wayuu. Di e forma aki por a hasi ganashinan grandi pa medio di embarcacionan den e mercado internacional via di Aruba.

“Ora mi wak e holoshi mi ta pensa riba Colombia y mi ta pensa riba tur mi amigonan Colombiano.”

Den final di siglo 19, La Guajira oficialmente a bira parti di Colombia pero ela keda mantene nivelnan relativamente importante di autonomia. Esaki a permiti pa e pueblo di Wayuu move y negocia mas liber pasombra e ta pafo di e hurisdiccion Colombiano. Companianan Arubiano a bin ta usa e ruta di comercio aki pa exporta whiskey y cigaria pa Colombia, facilitando e importacion di koffie Colombiano pa transbordo. Na momento cu e leynan di Colombia a ser revisa pa permiti un contribucion mas generoso pa e agricultornan, e nececidad pa e porta di Guajira y e transito via Aruba a bira menos.