E obheto unico aki for di e colecion di Titi Tromp ta hiba nos bek na e tradicionan culinario di e isla. Titi por comparti masha hopi informacion tocante e casnan di cunuco di Aruba y e forma den cual tabata prepara cumindanan tradicional. Un obheto simpel cu ta conecta nos na platonan suculento manera especialmente funchi y yambo. Titi ta menciona e importancia di e tipo di palo seco cu nan mester a colecciona y pone paden banda di e fogon pa crea un foco di cayente cu tabata apropia pa kada cuminda cu mester a prepara.

“Mi ta preocupa cu e generacionan nobo no ta parse di ke siña e tradicionan di cushina bieu aki.”

E fabricacion di lele ta remarcabel riba su mes paso hopi biaha e ta traha di e parti paden di e cadushi. Ta corta e lele den e forma y lage seca. Asta e hecho cu dos di e obhetonan aki tabata ser usa pa prepara funchi casi a bai perdi atravez di tempo. Lele, por ehempel, tabata ser usa den e prome parti di e preparacion, eliminando e pipitanan den e harina pa forma y mantene e mansa moli y fini di manera cu e ta cushina manera mester. Titi, cu awendia ta den su 90 aña, te dia di awe ta corda cu orguyo cu muchanan tabatin un rol activo den e preparacion di cuminda, creando asina un laso fuerte den famianan ademas di traspasa tradicionan culinario door di e practica diario.