E headpiece stima aki ta un di e hopi artefactonan cu Cherryldine Buckley a tene den su coleccion atraves di aña y e ta mustra e obra, cuido y beyesa cu ta bai den e elaboracion di trahenan di carnaval. Un participante den carnaval for di su infansia, awendia Cherryldine a bira konosi pa su abilidad den e creacion y guia di e proceso di traha disfras riba e isla di Aruba. Atraves di añanan Cherryldine a join varios grupo local y ela participa den hopi secion cu un variedad di tema. Su interes den carnaval a conduci na su bishita na diferente carnaval internacional manera esnan di Trinidad and Tobago, Colombia, Sint Maarten, Curacao y Europa siñando informacion nobo cu cada bishita. E ta pensa cu e carnaval Arubiano ta increiblemente special y diferente den e forma cu ela desaroya den añanan recien cu un enfasis riba e aspecto di fantasia y transformacion di e topico y tema. Den su opinion, e miho trahenan ta esnan cu ta lagabo pensa pa saca afo kon cierto temanan a wordu transforma cu creatividad di e participantenan.

“Pa asina leu cu mi ta corda, mi tawata un participante den carnaval.”

E headpiece aki tawata parti di su participacion cu e grupo di carnaval Champagne. E tema principal tawata Eden. E enfasis no tawata riba crea flora cu por a reconoce literalmente pero mester usa imaginacion y creatividad pa expresa e fantasia, delicadesa y beyesa cu e luga legendario aki ta lanta. Den su opinion, mester ta creativo den dos manera, di un banda mester mantene e diseño y tema di e seccion y despues traduci y adapta cu bo propio kreatividad y abilidad. Carnaval di Aruba ta un celebracion di komunidad, diversidad cultural y ta representa un renobacion di bida y espacio publico cu su briyo, fiesta y alegria.