Apertura di e refineria di zeta Lago den final di añanan 1920 a aumenta prosperidad riba e isla y a trese un periodo di independencia financiero for di Hulanda. Proveyendo e mercado global cu casi 1/10 di zeta procesa, desempleo na Aruba a disparse casi completamente entre añanan 1925 y 1955. Segun rikesa y nivelnan di prosperidad a subi, hopi obheto y artefacto fini a keda importa pa Aruba. Olga van Bochove, un artista multi-disiplinario ta comparti su conexion sentimental cu e teblachi di spiel di su madushi y e nificacion cu e tabatin riba su infancia y su arte di hoy en dia. Atraves di historia, teblachinan di spiel tabata un luho poco comun y caro; Den comienso di siglonan 20, damanan na Aruba por a cumpra spielnan y asta artefacto di spiel, manera esaki, facilmente. Nan no tabatin e proposito cu lo a spera di nan esta percepcion propio. E teblachi spiel aki tabata riba e kaptafel di Olga su madushi. Su proposito tabata decorativo y e tabata carga boternan di perfume, obhetonan religioso, un peña antiguo y un spiel di man.

“E teblachi spiel ta un simbolo di e liñanan di sanger di famia permitiendo un reflecion riba recuerdonan, herencia y ideanan di feminidad atraves di tempo.”

E teblachi spiel ta conta e historia di con damanan di Aruba tabata biba y ta captura un momento di femenidad di un tempu di prosperidad economico locual a influencia e idealnan di beyesa riba e isla. Olga ta balora e obheto aki paso e ta kord’e riba su madushi y e ta conecta cu su propio historia. E ta pensa kiko su madushi tabata mira aden ora e tabata kwe un di su boternan di perfume y e ta relata na loke e, un dama di siglo 21, ta bibando den e mesun locacion geografico pero den un otro sociedad. Como artista, Olga a redefini e proposito di e obheto aki dor di crea un obra di arte unico for di dje. Inspira pa recuerdonan, liñanan di sanger, herencia y tradicionan femenino traspasa di generacion pa generacion. E conecion cu su madushi ta representa pa medio di un pida cabey cu ela pone mei mei di e teblachi.