Rogi ta asina fasina ku e historia tras di karko i e ta sinti ku e tin un konekshon pa konta un storia pa ku e elemento karko. Te ahinda e no a logra hasi esaki pero esei ta e soño mirando ku e historia di e karko ta algu hopi bunita.

E medio di komunikashon tabata ta e karko. Rogi a tende hopi storia i a buska hopi pa sa kon e hendenan tabata komunika i pa Rogi e ta algu hopi interesante – skuchando bek di su grandinan kon e karko tabata wordu husa na momentu ku un hende pèrde. Tabatin un pida pueblo na Slagbaai, tabata tin na playa grandi, tabata tin Rincon i playa mes, asina ku tin un hende a pèrde of algu a pasa nan ta informá via di e karko.

Asina e informashon tabata keda pasa di pueblo pa pueblo. Tabata tin un suplá pa kada un kos. Si a haña un hende ku a perde tambe tabatin un suplá speshal. Hopi importante tabata e simadan, kual Rogi i su team ta bezig ta traha un obra di teater. Den e obra aki Rogi ta konta no di e karko presis pero di e simadan. Kon e simadan a kuminsa, dus pa kiko tabata selebra simadan, pa kiko tabata toka, balia, esei lo wordu mustrá hopi bon den e obra di teatro. I e karko tabata un parti hopi grandi tambe den nos simadan.

Mirando ku e hendenan tabata bai korta maishi i despues di korta maishi tabata kana bin pueblo. Biniendo pueblo tur e hombernan tabata tin un instrument. Tabatin mayoria biaha dos pa tres hende tokando e karko. Aworaki, difisil pa bo por hañá un hende ku por toka karko. E tokado di karko nan ta hopi limita. Segun investigashon ku Rogi a hasi, antes suplamentu di karko tabata sosode manera un bras. Manera tabatin un grupo di trompèt, tabata tin grupo di karko. Kada hende tabata toka diferente tono, unu mas haltu i otro mas abou, i djalew bo por tende e karko suplando bini abou.

Na momentu ku Rogi a haña sa esaki, e la dun’e un sintimentu ku nunka e la eksperensha, pero e la sinti pa rekrèá e emoshonnan ku e la sinti, i pa hasié algu visual pa semper. Rogi ke dokumenta kon esaki tabata pasa i kon e karko djalew aya, ku si bo skucha e ritmo binendo abou, e suplá ei, kon esei tabata duna bida. Esaki ta e motibu ku Rogi ta haña ku e karko ta hopi importante den su kultura i den historia i ta pa e motibu aki Rogi ta asina fasina ku e elemento karko.