E mama di Elly no tabata gusta kushina, pero ku tempu, a siña un par di reseta di Elly su wela ku e por hasi hopi bon. E tata ta bini di kunuku i tabata gusta kuminda antiano. Pues hopi bes nan tabata kome sop’i bonchi, kolo stobá, higra, kabritu, porkchop, sopi, i riba djabierne nan tabata preferá di kome piska ku funchi i banana hasá. I si tin erwtensoep i yambo, naturalmente tabata añadi funchi ku e kumindanan.

Elly su mama tabata prefera aros, pasobra e tabata mas fasil pa kushina ku un famia di 8 hende. Pero pa algun di e resetanan tradishonal, funchi tabata nesesario. Pa esaki, e tabata bai den kushina ku un wea grandi di funchi pa hasi e trabou. Pa kuminsá, e tabata herebe awa ku un poko salu, despues ta agregá hariña di maishi pa e haña e konsistensha korekto, i despues ta husa e palu di funchi pa meskla huntu te ora ku e no ta kurú mas i a haya e mansa korekto.

E ta yamá “Hala funchi”. Hala funchi ta indiká ku bo ta mantene e funchi den moveshon mientrastantu ku e ta kuru den weya. Bo ta usa e parti plat di e palu di funchi pa mesklá, i pasobra e ta pidi hopi meskla, bo mester ta fuerte. E arte ta: no krea klònchi, no lag’e kima, lag’e kushiná te ora ku e mansa ta korekto.

Ora ku e ta kla, bo ta pone den un plato, i ku un otro plato mas chikí, paga tinu pa e kushina bon i ku e konsistensha ta korekto. Prome ku kumé, tin ku boltu e den un tayo plat. Mi a haya e palu di funchi aki ora ku mi a forma mi mes famia i mi tabata biba na Hulanda. Elly tin e palu di funchi mas ku 25 aña i semper e ta husé pa hala funchi.