Noris Kroon a konta nos kon ela yega na su kolekshon di lanthùis di miniatura.

“Mi a traha komo agente di biahe na Maduro Travel. E tabata un kompania grandi tempu aya. Tur hende ku tabata reserve un buelo di KLM ku Maduro Travel tabata risibí un di miniaturanan di un di e lanthùisnan di Kòrsou di regalo. Nan tabata yená ku likor Blue Curaçao. Kada tantu tempu mi tabata haña un. Komo empleado nos tabata haña hopi deskuento riba buelonan di KLM, nos tabata paga solamente 5 pa 10% di e preis di pasashi normal. Nos tabata asta risibí deskuento riba reservashon di hotel. Mi a stòp di traha na Maduro Travel den 2002.”

deskuento riba reservashon di hotel. Mi a stòp di traha na Maduro Travel den 2002.” E gran kantidat di lanthùisnan na Kòrsou tabata sirbi komo e edifisionan prinsipal di e plantashonnan. E shonnan di e plantashi tabata biba den nan. For di tempu di sklabitut tabata bisto ku e plantashinan no tabata produsí sufisiente pa por eksportá e kosecha pa eksterior. E suela kurasoleño i e klima no tabata adekuá pa kultivo riba gran eskala di plantashon tropikal. For di promé ku a abolí sklabitut ya kaba e plantashonnan a kai den dekadensia. Di e 160 lanthùisnan ku Kòrsou tabatin a sobra 70. Algun ta fungi komo restorant. Otronan ta bibienda òf galeria.