“Esaki ta un hèrmènt pa drecha sapatu di tres diferente sais. Nan a haña e hèrmènt aki dia tabata limpia e kas di un konosí ku a fayesé. Na Kòrsou tabatin hopi sapaté. Den komienso di añanan 70 asta tabatin un kabayero di República Dominicana ku tabata traha sapatu aki. E tabata biba den área di Ronde Klip.” A paticipant found this tool when cleaning out the house of a deceased acquaintance. In Curaçao there always were a lot of cobblers. In the early 1970s a gentleman from the Dominican Republic even made shoes here. He lived in the Ronde Klip area.

Histórikamente sapatu tabata un representashon di status sosial riba nos isla. Te ku añanan 30 hendenan ku kier a krusa brùg Emma na pia mester a paga un belasting si nan tabatin sapatu bistí. Esnan ku tabata pia abou por a usa e brùg pornada. No a dura mashá ku e hendenan ku moda a kuminsá kita nan sapatu pa no paga anto e pobernan a kuminsá bisti sapatu pa no mustra ku nan no tabatin moda.

Sapatu ta hunga un ròl importante tambe den e vershon kurasoleño di hunga dominó. E tim ganadó ta duna un sapatu, simbóliko, na e pèrdèdórnan. Si e tim pèrdèdór no a gana ni un wega nan ta haña e sapatu blanku, un humiliashon grandi.