Wilfrido Ortega tabata un popular eskritor di novela romántiko. E mes tabata imprimí i bende su bukinan. E novela aki, titulá “Rekompensa pa su amor” a wòrdu publiká na 1988. Na e momentu ei kaba Kòrsou tabatin un tradishon literario riku. E poema ‘Atardi’ di Joseph Sickman Corsen (1905) generalmente ta wòrdu konsiderá komo e promé publikashon literario na papiamentu.

Den añanan 40 outornan manera Pierre Lauffer i Guillermo Rosario tabata skohe nan mes sírkulo ku nan tabata distribuí den dje i ken tabata lesa nan obranan dor di ofrese nan libretonan simpel kopiá den cafénan pa un par di depchi of dor di bende nan di porta pa porta. Hopi outor kurasoleño tabata multilingwe i tabata konfrontá un chòis: skibiendo na hulandes nan por a alkansá un públiko grandi na Hulanda pero tiki hende na Kòrsou.

E obrañan di algun outor kurasoleño na final di siglo 20 manera Boelie van Leeuwen, Frank Martinus Arion i Tip Marugg ta entre e mihónan di literatura hulandes pero kasi no a lesanan riba nos isla. Skibi den papiamentu ta nifiká atendé ku bo mes hendenan pero e tabata rekerí un mentalidat di hasi tur kos bo mes i tiki rekonosementu i feedback. E poeta i eskritor di kuenta mas popular di e último dekadañan sin duda ta Elis Juliaña ku a bai laga nos na 2013.