E kalbas ta un mata sumamente adaptabel i ku diferente uso. Pa siglonan e habitantenan indígena di Kòrsou i habitantenan nobo tabata usa i forma e kalbas den kòmchi pa kome aden i pa traha obra di man.

Kalbas grandi manera esaki ta konosí komo kalbas di hòfi òf kalbas di kurá. Despues di laganan seka pa lunanan largu e kaska di e fruta bèrdè aki ku no ta komibel ta bira maron i duru. Tabata usa kalbas pa transportá, fangu i warda awa hopi tempu promé ku tabatin sistema di suministrá awa dor di pipa. Ora a prohibí e afrikanonan sklabisá pa usa drùm, nan a inventá e bastèl, ku ta un kalbas grandi den un barí di awa. Por habri e kaska seku di e kalbas tambe pa saka e karni i djus. Esakinan ta konosí komo un remedi di yerba pa trata problemanan respiratorio. Ta us’é pa traha stropi kalbas, un stropi lokal kontra tos. Ademas e stropi ta wòrdu usá pa baña kachó i protehá nan kueru kontra pieu. Ta asta usa kalbas pa traha un kos dushi yamá karabobo.