Nos partisipante Girvin Eustatia ta konta nos di e ophetonan briyante aki. “Mi tata tabata kolekshoná moneda anto el a dunami esakinan. Mi no tabata sa kiko pa hasi ku nan. Despues di un tempu mi a haña e idea pa transformá nan den manchetknoop. E platé ku tabata biba den Lanthùis Habaai a traha nan pa mi. Te awe mi ta usanan.”

Na fin di siglo 18 komersio a stagna na Kòrsou. Importashon tabata mas ku eksportashon loke a kondusí na un falta di moneda. Pa stimulá e fluho di sèn, gobernador Lauffer a tuma un desishon riskante. El a laga kòrta 8000 peso Spaño den 4 pida anto el a duna kada kuart pida e balor di 3 real. E moneda nobonan tabata yamá guillotine dor di e forma di produsí nan, un referensia kla na e revolushon fransés.

Na papiamentu e nòmber a bira yotin kòrtá.