Un di nos partisipantenan a mustra nos e glasnan antik aki ku e tabata usa pa okashon speshal. Na fiesta e ku su famia i amigunan tabata bebe likor manera Malaga i Ponche Krema for di e kelkinan.

Alkohòl zut i likor ta bibidanan popular na fiestanan kurasoleño pa mas di 200 aña kaba. E likor lokal mas konosí sin duda ta e likor di Kòrsou tradishonalmente trahá ku e kaskanan seku di e laraha, un apelsina marga lokal. E laraha a originá for di e apelsina Seville ku e kolonisadornan Spaño a introdusí sin éksito den siglo 16.

Den añanan 1800 hendenan a kuminsá eksperimentá ku zetanan aromátiko ku e laraha tabata produsí. Dor di destilá e apelsinanan ku alkohòl i mesklanan ku speserei a krea e likor ku awendia nos konosé komo Curaçao. Curaçao Oraño tabata tur kaminda den siglo 19. Despues el a bira mas aventurero i a bira blou i zut manera mangel.

For di añanan 40 ta produsí ròm tambe komersialmente riba e isla. E famoso ròm berde a wòrdu introdusí den añanan 50 pa e legendario doño di bar Ernesto “Netto” Koster. Ròm Berde ta 100% lokal anto solamente optenibel na Kòrsou. Un vershon lokal di ponche crema, un klásiko likor kremoso venezolano i di trinidad a ser lansá na 1977.