Ilona Eustatia tabata un di nos partisipantenan mas fiel. Huntu ku Calviany e tabata bin kasi tur nos workshopnan, tur biaha ku saku yen di opheto fasinante i hopi historia bibu tokante nan. For di tur e ophetonan ku el a trese, esaki ta esun ku nos sa menos di dje. Hendenan a skoh’é pa e forma parti di e kolekshon aki pero Ilona no tei mas pa konta nos di su origen i kiko e tabata nifiká p’é. Ilona a fayesé durante e proyekto.

E uniko kos ku nos sa ta ku e tabata wordu usá pa warda sensia. Sinembargo e pòchi chikitu aki a haña un signifikado nobo pa nos for di dia ku Ilona a hasi su transishon. Nos a realisá ku e ta representá nos memoria di dje, e lider natural di e grupo di workshop, e amiga ku empatia i e artista fantastiko.

Ilona, nos no tin palabra pa gradisibu pa tur loke bo a hasi pa Kòrsou, pa nos i pa e proyekto aki. Nos ta topa. Nos ta topa (until we meet again).