Pòpchi di bòter

“Tempu nos, rumannan muhé Martina, tabata chikí nos mayornan no tabatin moda pa kumpra pòpchi pa nos. Nos tabata usa kabuya diki ku nos tabata habri for di otro anto flèktu manera ta kabei e tabata. Ami tabata kòrta un repi di paña i mara un kònòpi. E bòternan pretu di limonada manera nan tabata yama tabata perfekto pa e kara di e pòpchi. Mi a hunga ku nan for di tempu mi tabatin 5 òf ta 6 aña. Mi a asta kose un saya – normalmente nan no tin saya! Bo ta hinka e kabei den e bòter anto want’é ku un kòrki. Den barionan manera Groot Kwartier, Montaña, Marchena i Ser’i Dòmi, kaminda famianan afrokurasoleño tabata biba, tur mucha muhé chikí tabata traha pòpchi di bòter. Den barionan kaminda famianan riku hudiu, hulandes i protestant tabata biba, nan tabatin pòpchi di bèrdat. Esaki a keda asina te na fin di añanan 60.” ”

“E bòternan pretu di limonada tabata perfekto pa e kara di e pòpchi.”