Vas

E vas aki ku lo por ta mas ku 1000 aña bieu ta un di e ophetonan mas bieu ku un partisipante a trese. Patrick Thissen ta splika: “Mi tata tabata dosente na Paulus College den añanan 50 i 60. Un di su studiantenan a trese un vas blou ku un garganta kibrá ku su famia a haña riba nan propiedat i a ofresé na mi tata. Na kas mi mama a limpia e vas. Ta e ora ei e koló di klei ku e pinturanan a bira visibel. E opheto aki semper tabata riba un mesa of den un kashi den mi mayornan su kas manera un tipo di relikia.”

“Resientemente, NAAM a eksaminá e opheto anto e ta en berdat un artefakto di e habitantenan outéntiko di Kòrsou. No ta masha kla si e ta di e tempu promé òf despues di Colombus. E supstansia blou riba e vas ta mas komun. Nan ta mineral ku ta sali for di e klei anto ku ta oksidá. Por mira klaramente ku e vas tabata parsialmente riba tera. Na e parti ei e vas a blikia den solo. Probablemente a usa e vas pa warda awa aden.”

“E vas a bira di mi paso el a muda pa Hulanda despues ku mi mayornan a emigrá. Eynan e tabata den un kashi. Nos a pensa ku e opheto tabata pertenesé aki riba e isla i mi a bin bèk kun’é. Kisas un tiki superstishon pero en todo kaso, e ta sinti mihó.”

“Un di su studiantenan a trese un vas blou ku un garganta kibrá.”