Tin un historia hopi spesial mará na e lensu di man aki. Shanuska Schoop ta konta nos di dje. Shanuska Schoop tells us about it.

“Un kabayero hende grandi tabata pasa banda di mi kas tur dia. E tabata bisti bachi ku dashi, sapatu maron lombrá anto mea blanku. Su pañanan tabata muchu grandi p’é. Semper e tabatin un lensu di man den su saku di bachi anto mi a puntr’é dikon. El a kontestá: “Esaki no ta UN lensu di man, ta DOS lensu di man. Esun ku mi ta pone den mi bachi ta pa e damanan anto esun den mi saku ta pa mi mes.”

Mi no a komprondé bon kiko e tabata kier men te años despues. Na 2018 mi a hasi un aktuashon. Mi frenta tabata sodá paso e lusnan riba esenario tabata kayente. Un mucha hòmber yòn den públiko a ofresemi su lensu pa seka mi kara. E tabata hopi mas yòn ku mi. E momentu ei mi dies plaka a kai.”

“Te dia di awe ami ku e mucha hòmber aki tin kontakto ku otro. Awor mi ta komprondé: e lensu di man ta e eskusa perfekto pa aserká un dama.”