Ora e murayanan di e bario Punda a kuminsa sker den añanan 1800, un kantidat di komersiante hudiu ku moda a muda pa Skálo. Nan a laga traha manshon grandi den estilo suroropeo ku patio i fachadanan dekorá. Na fin di siglo 19, skálo a bira e parti mas riku di suidat te momentu ku, for di añanan 50 bin ariba, mayoria famia a muda pa suburbionan.

E bario a kuminsa deteriorá i kriminalidat a oumentá. Den añanan 80 a inisiá ku un renobashon grandi di Skálo ku a kulminá den e mayor rekompensa: Skálo a keda añadí riba e lista di Herensia Mundial di Unesco komo parti di e sentro históriko di Willemstad.

Un di nos partisipantenan a pasa su hubentut den e área. Einan el a haña e opheto aki. “Mi a nase den e bario di Skálo. Mi tabata bon amigu ku un famia di komersiante ku tabatin hopi trahadó paden i rondó di e kas: un hardinero, un kòki i un yaya. Mi tabata bai bishitá e yaya hopi. E tabata bin for di Venezuela. Dor ku e no tabatin yu e tabata biba den un kas nèt banda di e kas kaminda e tabata traha. Mi tabata sinta den su stul di zoya anto kombersá kun’é. E no por a lesa ni skibi.”

“El a dunami e obra di arte aki. El a haña un hilu i hak anto a traha algu pa ekspresá su mes.”