Kèncho a trese nos e instrumènt musical aki. “Antes ora piskadónan tabata keda kantu di laman anochi, nan tabata prepará nan kosnan pa bai piska e siguiente dia anto toka músika. Nan a inventá e instrumento músikal aki ku palunan di bambu ku a laba bin kantu. Nan a traha e bamba ku tabata sirbi manera un tipo di drùm.”

“Si bo pone e palunan stret anto dal suela e ta zona bam-ba, asina e instrumènt a haña su nòmber. Ora di korta e palunan di bambu mester wak pa kòrta un mas kòrtiku ku e otro. E piskadónan a sigui desaroyá nan músika, nan a bai kas ku e bambanan. Pa un temporada e tabata forma parti di e tradishon músikal di seú. Despues ela disparsé paso, sigun e hendenan, e bamba no tabata produsí sufisiente zonidu.”

“Nan tabata usa e bamba na Boneiru i Aruba tambe. Nan a us’é manera un instrumènt musikal banda di plachi di granit i desu (piki sin e pik). Mi a haña e palunan di bambu aki tempu mi tabata hasi investigashon na playa di Sint Joris. Hopi palu di bambu a laba bin kantu einan. Mi a traha mi mes bamba na 2007. Mi ta us’é ainda pa hasi músika i pa eksihibshonnan.”