Lorito

Clarina Gomez ta konta nos di e revista famoso aki. “Tempu mi tabata mucha tabatin un revista yamá Lorito, e tabata algu típiko di añanan 50. Hendenan tabata kumpra Lorito pa hari un tiki, semper nan tabata hasi chèrchè di hende den e revista. Mi a haña esaki den mi mama su kas ora mi tabata limpia su kashi despues ku el a bai sosegá. Bo por a aboná riba Lorito of kumpr’é lòs.”

“E tabata un revista polítiko. Lorito tabata e eskritor su nòmber fiktisio. Mi kier sa ta un persona so tabata enbolbí ku e revista pero nunka el a revelá su mes. E tempu ei tabatin hopi payaso den polítika manera Nene Hoek di Partido Demokrat. Lorito tabata yen di redu.”

E edishon di Lorito aki a wòrdu publiká dia 23 di dezèmber 1954: djis un siman despues ku a firma e Statüt di Reino Hulandes, un deklarashon formalisando e relashon entre Hulanda i Antias Hulandes. Riba e kaft bo por mira Moises Da Costa Gomez (na man drechi), lider di Partido Nashonal ku a negoshá outonomia total, anto Efrain Jonckheer (na man robes), lider di Partido Demokrat i e promé Promé Minister di Antias Hulandes. Jonckheer a firma e Statüt paso su partido a gana e elekshon di 1954.” On the cover you can see Moises Da Costa Gomez (on the right), leader of the National Party who negotiated full autonomy, and Efraïn Jonckheer (on the left), leader of the Democratic Party and the first prime minister of the Netherlands Antilles. Jonckheer signed the Statute as his party had won the 1954 elections.

“Semper nan tabata hasi chèrchè di hende.”