Skòp di koko

“Mi a haña e koko aki kantu di awa. Mi tabatin n’é pa años sin sa kiko pa hasi kun’é. Mi tabata fasiná pa e pida ku ta sali afó ku e tin. Mi a ten’é anto mi a traha un skòp kun’é. Es desir, mi ta us’é manera un skòp. Ku tempu el a bira un kos di prònk. Awendia tur kaminda ku mi mira koko, mi ta buska pa wak si nan tin rais.”

“Lo bo kere ku palu di koko ta original di Kòrsou i karibe pero esey no ta e kaso. Probablemente kolonisadornan Spañó a introdusí nan na e region den e prome mitar di siglo 16 i nan a yega Kòrsou pa medio di naufragio. Kultivo komersial nunka a lanta kabes na Korsou pa motibu di e rekesitonan pa duna e mata awa. Nos tin un espesie di palma ku ta nativo riba e isla: e ikóniko palma Sabal (òf Kabana manera e ta konosí lokalmente). Por hañ’é solamente den e parti sùitwèst di parke Kristòf.”

“Tur kaminda ku mi mira koko, mi ta buska pa wak si nan tin rais.”