Pòpchi
Konektá
The special thing about this doll is that it has been baptized. E pòpchi aki a wòrdu batisá, esei ta hasi’é speshal. E tin un nòmber, un padrino i madrina. E tradishon di batisa pòpchi ta un indikashon ku influenshanan strañero ta desaroyá nan mes karakterístikanan ku tempu na Kòrsou. E rito Katóliko Romano aki a bira kompletamente di Kòrsou. Ta batisá e pòpchi den nòmber di e angua, e hilu i e prèkè. Iglesia Katóliko Romano semper tabatin hopi influensha riba e isla i a bringa aktivamente kontra e kultura afrokurasoleño. E pòpchi aki ta prueba ku nan no a logra kompletamente.
Listen to the podcast
2:27 min
“E tradishon di batisá un pòpchi ta pas ku mi paso nunka mi a duna lus – anto awor mi por ta e madrina di un pòpchi.”
- Ersilia Pietersz-Martina
Mi nòmber ta Ersilia Pietersz-Martina – pero tur hende konosemi komo Chila. E tradishon di batisá pòpchi ta un bieu. Damanan ku no tabata por a haña yu di nan mes por a batisá un pòpchi i di e forma ei nan ta bira madrina di e pòpchi. Komo den mi kaso: mi tin dos yu pero mi no a duna lus na nan. Mi tin dos yu muhé, un tin 35 aña i un di 41 aña. Mi ta hopi kontentu ku nan, mi stima nan hopi. E tradishon di batisá un pòpchi ta pas ku mi paso nunka mi a duna lus – anto awor mi por ta e madrina di un pòpchi. Di e forma ei mi por biba nos tradishonnan. Mi ta sintimi orguyoso tur biaha ku nan pidimi para madrina pa un pòpchi. Den e kaso aki mi ruman hòmber a traha e pòpchi di paña aki. Mi gusta ora nan ta trahá di paña, e ta hasi’é mas tradishonal, mas real, mas outéntiko. Mi tin un pòpchi ku tin mi koló di kueru dùs di bèrdat mi ta sintimi parti di e pòpchi. Su nomber ta Chófilo. Mi a dun’é un nòmber bieu. E ta un nòmber bieu pero nos mester bai bèk na e tempunan aya pues mi no por dun’é un nòmber moderno – p’esei mi a yam’é Chófilo.
Yabinan
Konektá
E kaha di bleki aki ku yabi aden tabata un poseshon hopi importante pa e wela di Michèle Russel-Capriles. Famianan Capriles, Henriquez, Alvarez Correa ta desendiente di hudiunan sefardita i ta representá un di e hopi gruponan di nos poblashon ku a establesé riba e isla atrabes di e siglonan. E raisnan di e komunidat hudiu na Kòrsou ta na Spaña i Portugal. Despues ku nan a hui e inkisishon spañó na 1492 nan a terminá na Kòrsou despues ku nan a dual dor di Hulanda i Brazil.
Listen to the podcast
2:27 min
"E motibu ku nan a bai ku nan yabinan ta pasombra nan tabatin speransa ku nan lo a bin bèk i nan por a rekobrá nan hogar”
- Michèle Russel-Capriles
Mi nòmber ta Michèle Russel-Capriles, awe mi a trese un kaha di bleki chikitu yen di yabi. E ta un kaha di bleki ku mi a haña den mi wela su pertenensianan i mi a ward’é paso tin un leyenda tras di su kolekshon di yabi. Mundialmente tin un leyenda ku ta konta ku e hendenan di Spaña, ora a kore ku nan promé ku 1499 – e Inkisishon a kore ku nan, a bisa nan ku sea nan mester a kombertí na katolisismo òf bandoná e pais – e poblashon hudiu di Salamanca, Toledo i varios otro suidat na Spaña a disidí ku nan ta lòk nan kasnan i bai ku nan yabinan. E motibu ku nan a bai ku nan yabinan ta pasobra sea nan tabatin speransa di bin bèk i rekobrá nan kasnan òf en todo kaso si nan tabata bai, nan lo no a laga nan yabinan pa e opresornan djis drenta i hasi doño di nan kas. P’esei nan a bin ku e yabinan aki. E sintimentu ku mi a haña ta ku mi wela a disidí di bai un tiki mas leu. El a tene e yabinan di e kasnan di tur e miembronan di su famia i tur loke e por a haña ku pasashi di e añanan paso mi a haña sentenares di yabi…
Penha
Konektá
55 aña largu Eunice Coffie a traha pa kompania lokal “Penha”, prinsipalmente den nan tienda históriko den bario di Punda. Su bida ta konopá ku e pakus aki. E kas chikitu ku e ta tene den sumannan ta un réplika dje edifisio monumental trahá di serámika Delfts Blauw. KLM Airlines a lansa e artikulo aki na aña 2004, pa selebrá e di 70 aniversario di e buelonan entre Amsterdam iKòrsou. E edifisio “Penha” ta un di e monumentonan mas impaktante di Kòrsou. Un di suaspektonan mas intrigante no ta visibel na promé bista. E blòkinan ku a usa pa e edifisio aki nakuminsamentu di siglo 18 a bini Kòrsou komo balast den barkunan ku tabata transportá hendesklabisá. Den siglo 17 Kòrsou a bira un sentro importante den komèrsio mundial di katibu bou di mando hulandes. Tur kaminda por haña marka dje historia akí, hasta den un opheto komun ikoriente manera un blòki.
Skucha e podcast
2:27 min
“Loke semper a fasiná mi mas tantu ta e echo ku e edifisio ta situá na entrada di nos haf”
- Eunice Coffie
Mi nòmber ta Eunice Coffie. Mi a nase i lanta aki na Kòrsou. Mi tin 72 aña i mi a kaba di selebrá 55 aña trahando pa Penha. Mi ta kontentu di por traha pa e kompania aki, semper mi a disfrutá di mi trabou. Mi a topa hopi hende durante tur e añanan, hopi turista, hopi hende di afó. Loke semper a fasiná mi mas tantu ta e echo ku e edifisio ta situá na entrada di nos haf, nos hafbunita i espléndido. Asta e turistanan ta gust’é! Mi a kuminsá traha na Penha na un edat hopiyòn, hasta promé ku e rebelion di 30 di mei. I un otro kos ku mi gusta ta ku bo por mira e brùgflotante, e brùg di ponton. E edifisio aki realmente ta e kara di Kòrsou. Asina ku bo drenta haf bota mir’é. Ta great pa bai keiru den boto i djis wak nos bunita edifisio di Penha.