Pasado tin su mes holó. Asina tambe e pasado di Kòrsou. Partisipante Natasha a laga nos mira bòternan ku ta lanta un tiki di e holó di Kòrsou di antes. E bòternan antes tabatin eau de cologne, awa di Florida I lymacol den nan.

“Mi a haña e bòternan aki na e Rif di Otrobanda promé nan a ser’é pa traha e megapier. E bòternan aki tur tabata den lodo. Esnan ku tabatin awa di Florida aden tabatin nomber skibí riba nan. Mi a google esun grandi. E ta un eau de cologne trahá na Paris. Mi famianan tabata usa Lymacol antes, e ta manera e glacial ku nos konosé.”

Nos ta konsehá esun ku ke sa kon Kòrsou tabata hole antes, pa hole un tiki eau de cologne, awa di Florida òf Lymacol.