Chila Pietersz a konta nos di oportunidatnan igual den edukashon. “Esaki ta mi rapòrt di 1956, mi tabata den derde klas. E tempunan aya un ‘skol’ tabata pornada anto pa un ‘college’ bo mester a paga. Mucha hòmber i mucha muhé no tabata bai mesun skol. Ami a sigi MULO loke tabata un kontinuashon di skol básiko. Mi a slag komo e mihó di mi skol, Triniteit College situá na Dam Negropont pero despues ku mi a kaba skol mi a bai traha na kantor di notario Smeets. Esaki tabata un desapunto pa mi. Mi tabata ke bai studia na Hulanda pero mi tata no a lagami bai, e no tabata ke pa niun di su yu muhénan bai studia afó. Semper mi deseo tabata pa bira partera pero pasobra ta na Hulanda so mi por a sigi e estudio ei, esei no a sosode.”