Un partisipante a bin ku e opheto remarkabel aki. “E bulpes aki ta trahá di e pénis di un toro. Tin dos buraku na e raís ku un kabuya pasá aden. Despues ta mara e pénis na un palu ku un bon peso n’é pa lag’é rèk. Ora e pénis seka kompletamente, e bulpes ta kla. Tempu ami tabata mucha e bulpes tabata un arma pa defendé famia kun’é, niun hende tabatin arma di kandela na kas. Normalmente ta usa bulpes pa bati hende kun’é. Esun na kas di mi mayornan tabata poné riba e porta di kamber. Mi tata a bisa ku a poné einan pa rèspèt. Nunka e no a hasi uso di dje. Awendia ta un krimen pa bo tin un bulpes.”