Te ku algun dékada pasá na Kòrsou tabatin reglanan no-skibí pero estrikto tokante relashonnan. Un relashon amoroso por a dura solamente seis luna. Despues di esei, e hòmber tabatin ku tin un kas kla pa su brùit. Si esei no tabata e kaso, nan tabata tin ku separá. Te dia di awe hopi hóben kurasoleño ta biba ku nan mayornan te dia nan kasa – eksepto ora nan bai afó pa bai studia.

Durante un workshop, un partisipante a konta nos lo siguiente:

“Mi tata su kas tabata na Bandariba. E kas tabata di mi wela. Promé ku mi mayornan a bai biba den e kas despues ku nan a kasa, e kas tabata un panaderia kaminda nan tabata bende belèg i keshi. Mi a haña esaki den un kaha dia nos a drenta den e kas. Mi mama tambe a us’é un tempu. Despues a kuminsá usa mashinnan moderno. Mi tata por a permití su mes e teknologia nobo paso e tabatin un bon trabou na Shell.”