Na 1914 e refineria di Shell a establesé su mes na Kòrsou. Promé ku esei tabata importá kerosin for di Estados Unidos. Tabata transportá e kerosin den bleki loke tabata peligroso pa tur hende envolví. Na 1870, Punda a bira e promé distrito ku lus di kaya ku tabata usa kerosin. E promé lus eléktriko na Kòrsou a sende na sèptèmber 1897 danki na e legendario komersiante merikano, Leonard B. Smith.

Un par di aña promé el a sera un akuerdo ku autoridatnan hulandes pa konstrukshon di un planta di koriente. Hopi despues ku Smith su planta tabata kompletá tabata usa petroli pa iluminá kas i edifisio. Esei tabata sosodé ku lampinan manera esaki por ehèmpel. Elisabeth a bin kuné na un di nos workshopnan. E por a asta splika kon e lampi ta traha. “Pa usa e lampi aki ta yen’é ku kerosin, pomp e, draai e anto sendé. Un di e fiusnan ta intakto ainda.” E úniko kos ku bo mester pa bai bèk na komienso di siglo pasá, ta un lusafè.