Kenneth Engelhardt a konta nos ku e hanger aki a bini di un labanderia.

“Mi tata a hiba su bachi pa draiklin e pa un entiero. Mi tata tabata bisti bachi ora di bai entiero so. E hanger tin un number di telefòn di 4 sifra grabá riba dje, esei ta indiká ku e ta basta bieu. Awendia numbernan di telefòn di Kòrsou tin shete sifra. Tempu ami a krese den añanan 70 mayoria labanderia tabata di afro-kurasoleño. Tabatin solamente un den area di bandariba, na santa rosa. Awendia mayoria labanderia ta den man di kurasoleño di desendiensa Chines. Mi a haña esaki den un kashi tempu mi mayornan tabata renobando nan kas.”