Kabuya

“E kabuya aki tabata pertenesé na un hende grandi ku a biba na Kòrsou pa hopi aña i ku tabata kolekshoná antik. E no tabatin heredero riba e isla anto el a duna henter su kolekshon na un tienda ku tabata bende kos segunda mano promé ku el a fayesé. Den e mesun tempu ei mi a kuminsa kolekshoná kos di hunga antik. Ora mi a wak e kabuya den e tienda mi a pensa ku e lo ta perfekto pa mi kolekshon.”

“Despues ku mi a kumpra e kabuya mi a realisá ku e kabuya no a wòrdu usá nunka! Ami tampoko no a us’é nunka paso e tabata forma parti di un kolekshon. Mi a bula kabuya hopi na mucha pero nunka ku un kabuya asina’ki. E kabuyanan ku mi tabata usa den mi hubentut no tabatin man, nan tabata gewon kabuya simpel. Mi a hunga tur sorto di wega na mucha. Mi tabata gusta hinkel hopi, loke nos tabata yama dyompo futu na Sranan Tongo, paso mi mayornan tabata di Sürnam.”

“Un otro wega ku mi tabata gusta hopi ta un kaminda bo ta lora un kabuya rondó di bo dedenan kreando figuranan ku tabata keda bira mas kompliká te ora tur kos brua den otro anto bo mester kuminsá di nobo. Tambe mi a hunga e weganan típiko di mucha manera tapa kara i ninichi. Mi tabatin un dushi niñes.”

“E kabuyanan ku mi tabata usa den mi hubentut no tabatin man.”