Nos a keda babuká di e historia aki ku Natasha a konta nos di e efektonan devastador di dos orkan den 1877 i 1954.

“Na 1877 un orkan a pasa anto ela destruí kasi tur kas den Penstraat. Na 1954 orkan Hazel tambe a kausa hopi daño. Te dia di awe laman ta saka restunan di e periodo ei. 20 aña pasá mi a haña e kòmchi i bor aki i e piedranan di semènt, tur tres separá den área di Penstraat. Tambe mi a haña fòrki, tegel i otro artikulonan pa kas. Hendenan ku tabata den área di Penstraat e tempu ei tabata protestant di e klase medio haltu, pero nan no tabata tin sufisiente moda pa biba den un kas na skálo.”